புதிதாக வாகனங்களை பதிவு செய்தவர்கள் வாகன உரிமை மாற்றம் செய்தவர்கள் வாகன இலக்கத் தகடுகளை பெற்றுக்கொள்ள முடியும் என்று யாழ். மாவட்ட மோட்டார் வாகன போக்குவரத்து திணைக்களம் அறிவித்துள்ளது.
மோட்டார் வாகன போக்குவரத்துத் தலைமை பணிமனையில் இருந்து கடந்த 21ஆம் திகதி உரிய
வாகன இலக்கத் தகடுகளின் பட்டியலை அனுப்பி வைத்துள்ளது.
இந்தப் பட்டியல் யாழ். மாவட்டத்தின் அனைத்து பிரதேச செயலகங்களிலும் மாவட்ட செயலகத்திலுள்ள
மாவட்ட மோட்டார் வாகன போக்குவரத்து திணைக்களத்திலும் பொது மக்களின் பார்வைக்காக காட்சிப்படுத்தப்பட்டுள்ளது. அத்துடன் இதனை மாவட்ட செயலக இணை யத்தளத்திலும் பார்வையிடமுடியும்.
புதிதாக வாகனங்களை பதிவு செய்த உரிமையாளர்கள் வாகனப் பதிவு புத்தகம்தேசயி அடையாள அட்டை
என்பவற்றையும் வாகன உரிமை மாற்றம் பெற்றவர்கள் மேற்குறித்த இரு ஆவணங்களுடன் பழைய
வாகன இலக்கத் தகடுகள் மற்றும் வாகன இலக்கம் பொறித்த ஒட்டும்தாள் (ஸ்ரிக்கர்) என்பவற்றையும்
யாழ். மாவட்ட மோட்டார் வாகன போக்குவரத்து பணி மனையில் குறிப்பிடப்பட்ட திகதியில் குறித்த நேரத்துக்கு சமர்ப்பித்து தங்கள் வாகனங்களுக்குரிய இலக்கத் தகடுகளைப் பெற்றுக் கொள்ள முடியும் என்று உதவி ஆணையாளர் ஆர். சிவகரன் அறிவித்துள்ளார்.
