மட்டக்களப்பு வெபர் விளையாட்டு மைதானத்தில் பாடசாலைகளுக்கிடையிலான மாகாணமட்ட மெய்வல்லுனர் போட்டி-2024 நடைபெற்றது.
இப் போட்டியில் பல்வேறு மாகாணங்களிலிருந்து மாணவர்கள் பங்குபற்றி இருந்தனர்.
இப் போட்டியில் நேற்றுமுன்தினம் கல்முனை சாஹிரா கல்லூரி மாணவர்கள் 12 வயது ஆண்கள் பிரிவில் 4X 50 அஞ்சலோட்ட நிகழ்ச்சியில் தங்கப் பதக்கத்தை பெற்றுள்ளதோடு தேசியமட்ட போட்டிக்கும் தெரிவாகியுள்ளனர்.
இவ் வெற்றிக்காக உறுதுணையாய் இருந்த மாணவர்களின் தேவைகளை பூர்த்தி செய்து ஆலோசனை, வழிகாட்டல்களை வழங்கி ஊக்கப்படுத்திய கல்லூரி முதல்வர் எம்.ஐ.ஜாபிர் மற்றும் பிரதி உதவி அதிபர்கள், மாணவர்களை வழிநடத்தி பயிற்சிகளை வழங்கிய பாடசாலை உடற்கல்வி ஆசிரியர் ஏ.எம். அப்ராஜ் றிலா, விளையாட்டுப் பயிற்றுவிப்பாளர் எம்.யூ.ஏ. ஷம்லி, போட்டியில் பங்கேற்று தமது உச்ச திறமைகளை வெளிக்காட்டி வெற்றி பெற்ற மாணவர்கள் சகலருக்கும் பாராட்டுக்களையும் வாழ்த்துக்களையும் தெரிவிப்பதோடு, போட்டிகளில் பங்கேற்க தேவையான உதவிகளை மேற்கொண்ட பாடசாலை நிர்வாகம், பாடசாலை அபிவிருத்தி நிறைவேற்று குழு மற்றும் பழைய மாணவர்களுக்கும் பாடசாலை சமூகம் நன்றிகளை தெரிவித்துக் கொண்டமை குறிப்பிடத்தக்கது.
