கொழும்பு, மாளிகாவத்தை ,ஸ்ரீ சத்தர்ம மாவத்தை பகுதியில் இடம்பெற்ற துப்பாக்கிச் சூட்டில் ஒருவர் காயமடைந்துள்ளதாக பொலிஸார் தெரிவித்துள்ளனர்.
இந்த துப்பாக்கிச் சூட்டுச் சம்பவம் நேற்றுமுன்தினம் ஞாயிற்றுக்கிழமை (22) இரவு இடம்பெற்றுள்ளது.
இது தொடர்பில் தெரியவருவதாவது,
மாளிகாவத்தை ,ஸ்ரீ சத்தர்ம மாவத்தை பகுதிக்கு நேற்றுமுன்தினம் ஞாயிற்றுக்கிழமை (22) இரவு மோட்டார் சைக்கிளில் சென்ற இனந்தெரியாத நபரொருவர் வீடொன்றிற்கு முன்பாக இருந்த நபரொருவர் மீது துப்பாக்கிச் சூட்டை மேற்கொண்டு அங்கிருந்து தப்பிச் சென்றுள்ளார்.
இதனையடுத்து துப்பாக்கிச் சூட்டில் காயமடைந்தவர் கொழும்பு தேசிய வைத்தியசாலையில் அனுமதிக்கப்பட்டுள்ளார்.
மாளிகாவத்தை பகுதியைச் சேர்ந்த 52 வயதுடைய தெஹிவளை சோல் பீச் விடுதியின் உரிமையாளரே காயமடைந்துள்ளார்.
மேலும் துப்பாக்கிச் சூட்டினை மேற்கொண்ட சந்தேக நபர் இதுவரை அடையாளம் காணப்படவில்லை.
இந்த சம்பவம் தொடர்பான மேலதிக விசாரணைகளை பொலிஸார் மேற்கொண்டு வருகின்றனர்.
