ஐக்கிய இராச்சியத்தை தலைமையகமாக கொண்ட “Worldwide Book of Records”என்னும் நிறுவனத்தினால் உலக சாதனையாளர்களை இனம் காணும் போட்டியில் புதிய உலக சாதனையாளனாக தன்னை அடையாளப்படுத்தியுள்ளார் கிண்ணியா குறிஞ்சாக்கேணியைச் சேர்ந்த நஸ்மி அக்லான் பிலால் (Nasmi Aqlaan Bilaal) என்ற 4 வயது சிறுவன்.
குறித்த சிறுவன் பத்தின் 100 ஆம் அடுக்கு எண்களின் பெயர்களை, வரிசைப்படி ஆங்கிலத்தில் 2 நிமிடம் 12 செக்கன்களில் கூறி இச்சாதனையை நிகழ்தியதுடன், பெற்றோர்களான கந்தளாய் வைத்தியசாலையில் பணிபுரியும் இயன் மருத்துவர்(Physiotherapist )நஸார் முஹமட் நஸ்மி மற்றும் கிண்ணியா வைத்தியசாலையில் பணிபுரியும் இயன் மருத்துவர் (Physiotherapist ) அஸ்ரப் பாத்திமா பஸீஹா ஆகியோருக்கு பெருமையும் சேர்த்து கொடுத்துள்ளார்.
