மட்டக்களப்பு – கல்முனை பிரதான வீதியின் களுவாஞ்சிகுடி ஓந்தாச்சிமடம் பகுதியில் இடம்பெற்ற வாகன விபத்தில் இளைஞர் ஒருவர் உயிரிழந்துள்ளார்.
மட்டக்களப்பிலிருந்து, கல்முனை நோக்கி பயணித்த மோட்டார் சைக்கிள் சாரதியின் கட்டுப்பாட்டை இழந்து வீதியில் கவிழ்ந்து சென்று வீதியோரம் நிறுத்தி வைக்கப்பட்டிருந்த முச்சக்கரவண்டி மற்றும் துவிச்சக்கர வண்டியுடனும் மோதியுள்ளது. அதேசமயம் இளைஞர்கள் தலைக்கவசம் அணியாது வாகனத்தை செலுத்தி வந்துள்ளனர்.
நேற்று (13) காலை இடம்பெற்ற இந்த விபத்தில் சாரதியும், துவிச்சக்கர வண்டி செலுத்துனரும் படுகாயமடைந்த நிலையில் களுவாஞ்சிகுடி வைத்தியசாலையில் அனுமதிக்கபட்டனர். அதேசமயம் மோட்டார் சைக்களின் பின்னால் அமர்ந்து சென்றவர் சம்பவ இடத்திலேயே உயிரிழந்துள்ளதுள்ளார்.
சாரதி மேலதிக சிகிச்சைக்காக மட்டக்களப்பு வைத்தியசாலைக்கு மாற்றப்பட்டுள்ளதாக காவல்துறையினர் குறிப்பிட்டுள்ளனர்.
இ்ந்த விதாந்தாமலை, கொக்கட்டிச்சோலை பிரதேசத்தை சேர்ந்த 17 வயதுடைய இளைஞரே விபத்தில் உயிரிழந்துள்ளதுடன் , விபத்து தொடர்பான மேலதிக விசாரணைகளை களுவாஞ்சிகுடி காவல்துறையினர் மேற்கொண்டு வருகின்றனர்.
