திருகோணமலை பாலையூற்று பகுதியில் டோக்கியோ நிறுவனத்திற்கு சொந்தமான வாகனம் ரயிலில் மோதி விபத்து.
திருகோணமலை பாலையூற்று பகுதியில் இன்று (14) காலை தனியார் நிறுவனத்திற்கு சொந்தமான வாகனம் ஒன்று ரயிலில் மோதி விபத்துக்குள்ளாகியுள்ளது.
நிறுவனத்தின் ஊழியர்களை ஏற்றுவதற்காக அதிகாலை பாலையூற்று பகுதிக்கு சென்றபோது பாலையூற்று குடைமாதா பகுதியில் உள்ள ரயில் கடவையில் வைத்து கொழும்பிலிருந்து திருகோணமலை நோக்கி வந்த ரயிலில் மோதி விபத்துக்குள்ளாகியுள்ளதாக தெரிய வருகின்றது.
இதன்போது சாரதி வாகனத்திலிருந்து தப்பி ஓடியதால் எவ்வித ஆபத்துமின்றி உயிர் தப்பியுள்ளார். குறித்த ரயில் கடவையில் எவரும் கடமையில் இல்லாத காரணத்தினால் குறித்த விபத்துச் சம்பவம் இடம்பெற்றுள்ளதாக மக்கள் தெரிவிக்கின்றனர்.
