பாதாள உலக கும்பலைச் சேர்ந்தவரும் பிரபல போதைப்பொருள் கடத்தல் காரருமான “திப்பிட்டிகொட சக்தி“ என்பவரின் உதவியாளர்கள் நால்வர் நேற்று செவ்வாய்க்கிழமை (12) கைது செய்யப்பட்டுள்ளதாக பொலிஸ் விசேட அதிரடிப்படையினர் தெரிவித்தனர்.
பொலிஸ் விசேட அதிரடிப்படையினருக்குக் கிடைத்த தகவலின் பேரில் மேற்கொள்ளப்பட்ட சுற்றிவளைப்பில் சந்தேக நபர்கள் அக்மீமன, பின்னதுவ பிரதேசத்தில் வைத்து கைது செய்யப்பட்டுள்ளனர்.
கைது செய்யப்பட்டவர்கள் கொழும்பு, கிராண்ட்பாஸ், கொட்டாஞ்சேனை, மடபாத்த மற்றும் களனி ஆகிய பிரதேசங்களில் வசிக்கும் 31 முதல் 38 வயதுக்குட்பட்டவர்கள் ஆவார்.
சந்தேக நபர்களிடமிருந்து 205 கிராம் 740 மில்லிகிராம் ஐஸ் போதைப்பொருள், கார் மற்றும் 4 கையடக்கத் தொலைபேசிகள் உள்ளிட்ட பொருட்கள் பொலிஸாரால் கைப்பற்றப்பட்டுள்ளன.
கைப்பற்றப்பட்ட ஐஸ் போதைப்பொருளின் மொத்த பெறுமதி 30 இலட்சம் ரூபாவுக்கும் அதிகம் என பொலிஸார் மேலும் தெரிவித்தனர்.
