யாழில் தேர்தல் கடமையில் இருந்த பொலிஸ் மரணம்

யாழ்ப்பாண தேர்தல் மாவட்டத்தில் தேர்தல் கடமையில் இருந்த காவல்துறை உத்தியோகத்தர் ஒருவர் திடீரென உயிரிழந்துள்ளார்.

நாடளாவிய ரீதியில் இன்று (14) நடைபெற்றுக் கொண்டிருக்கும் நாடாளுமன்ற தேர்தல் கடமையில் ஈடுபட்டவரே இவ்வாறு உயிரிழந்துள்ளதாக தெரிவிக்கப்படுகின்றது.

யாழ்ப்பாணம் – உரும்பிராய் இந்துக் கல்லூரியில் அமைக்கப்பட்டுள்ள வாக்களிப்பு நிலையத்தில் தேர்தல் கடமையில் இருந்தவரே உயிரிழந்துள்ளார்.

கோப்பாய் காவல் நிலையத்தில் கடமை புரியும், வட்டுக்கோட்டையை சேர்ந்த 32 வயதுடைய காவல்துறை உத்தியோகத்தரே உயிரிழந்துள்ளதாக குறிப்பிடப்படுகின்றது.

சம்பவம் தொடர்பில் மேலதிக விசாரணைகளை காவல்துறையினர் முன்னெடுத்து வருகின்றனர்.