மண்முனை வடக்கு பிரதேச இளைஞர் கழக சம்மேளனத்தின் ஏற்பாட்டில், கல்லடி கடற்கரை மற்றும் திருச்செந்தூர் கோவில் வரையிலான பகுதியில் பிளாஸ்டிக் பாவனையை குறைப்போம் என்ற தொனிப்பொருளில் சிரமதானப்பணி ஒன்று நேற்று (17) இடம்பெற்றுருந்தது.
மண்முனை வடக்கு பிரதேச இளைஞர் கழக சம்மேளனத்தின் தலைவி சுஜீவா அவர்களின் தலைமையில் குறித்த சிரமதானப்பணி ஏற்பாடுசெய்யப்பட்டிருந்தது.
இதன் போது மட்டக்களப்பு மாவட்ட உதவிப்பணிப்பாளர் திருமதி நிஷாந்தினி அருள்மொழி அவர்களும், மட்டக்களப்பு மாவட்ட இளைஞர் சேவை உத்தியோகத்தர் திரு.சசிகுமார் மற்றும் மாவட்ட இளைஞர் சேவை உத்தியோகத்தர் மற்றும் மண்முனை வடக்கு பிரதேச இளைஞர் சேவை உத்தியோகத்தர் திரு.தயாசீலன் அவர்களும் இதில் கலந்து கொண்டிருந்தனர்.
அத்தோடு இந்நிகழ்விற்கான பங்களிப்பினை ஜனதக்சன் அமைப்பானது வழங்கியிருந்ததுடன், அவ் அமைப்பின் கள உத்தியோகத்தர் மதுவதனி, இயற்கைமொழி அமைப்பின் ஸ்தாபகர் திருமதி காயத்ரி அவர்களும் மண்முனை வடக்கு பிரதேச செயலகத்திலிருந்து சுற்று சூழலியல் அபிவிருத்தி உத்தியோகத்தர் திருமதி பிரசாந்தினி அவர்களும் தமது பங்களிப்பை வழங்கியிருந்தனர்.
அதேசமயம் குறித்த நிகழ்வில் மண்முனை வடக்கு பிரதேச சம்மேளன உறுப்பினர்கள் என மொத்தமாக 45க்கு மேற்பட்ட இளைஞர் யுவதிகள் கலந்து தங்களது பங்களிப்பினை வழங்கியிருந்தமை மேலும் குறிப்பிடத்தக்கது.
