மட்டக்களப்பு – வாழைச்சேனை பொலிஸ் பிரிவிலுள்ள பிறந்துறைச்சேனை மற்றும் ஓட்டமாவடி பிரதேசத்தில் போதைப் பொருள் வியாபாரத்தில் ஈடுபட்டு வந்த 4 வியாபாரிகள் கைது செய்யப்பட்டுள்ளனர்.
குறித்த கைது நடவடிக்கையானது நேற்று (06) விசேட அதிரடிப்படையினரால் மேற்கொள்ளப்பட்டுள்ளது.
வாழைச்சேனை கடதாசி ஆலையிலுள்ள விசேட அதிரடிப்படையினருக்கு கிடைத்த தகவல் ஒன்றினையடுத்து நேற்று அதிகாலை 2.00 மணிக்கு குறித்த பிரதேசங்களில் போதைப்பொருள் வியாபாரத்தில் ஈடுபட்டு வந்தவர்களின் வீடுகள் முற்றுகையிடப்பட்டது.
இதன் போது, பிறந்துறைச்சேனையில் 12 கிராம் 500 மில்லிக்கிராம் ஹரோயினுடன் ஒருவரையும் ஓட்டமாவடியில் 2 கிராம் ஐஸ் போதை பொருளுடன் இருவரையும் போதை மாத்திரையுடன் ஒருவர் உட்பட நான்கு வியாபாரிகள் கைது செய்யப்பட்டுள்ளனர்.
இதனையடுத்து, கைது செய்யப்படவர்கள் பொலிஸாரிடம் ஒப்படைத்துள்ளதுடன் இவர்களை நீதிமன்றில் முன்னலைப்படுத்த நடவடிக்கை முன்னெடுத்து வருவதாக பொலிஸார் தெரிவித்துள்ளனர்.
