விவசாயப் பயிர்ச்செய்கை நடவடிக்கைகளில் முதலீடு செய்வதாகக் கூறி, 2,500க்கும் மேற்பட்டவர்களிடம் இருந்து சுமார் 400 கோடி ரூபாய் பணத்தை மோசடி செய்ததாகக் குற்றம் சாட்டப்பட்ட தனியார் நிறுவனத்தின் இரண்டு பணிப்பாளர்களையும் எதிர்வரும் டிசம்பர் 4ஆம் திகதி வரை விளக்கமறியலில் வைக்குமாறு நீதிமன்றம் உத்தரவிட்டுள்ளது.
குறித்த மோசடி சம்பவம் தொடர்பில் கைது செய்யப்பட்ட இருவரும் நீதிமன்றத்தில் ஆஜர்படுத்தப்பட்டதைத் தொடர்ந்து இந்த உத்தரவு பிறப்பிக்கப்பட்டுள்ளது.







