புதிய அரசியல் கட்சியை ஆரம்பிக்கும் பணியில் ஈடுபட்டுள்ளதாக முன்னாள் ஜனாதிபதி ரணில் விக்ரமசிங்க தெரிவித்துள்ளார்.
சிறிகொத்த கட்சி தலைமையகத்தில் நேற்று (29) உள்ளூராட்சி மன்றங்களுக்கு ஐக்கிய தேசியக் கட்சியால் நியமிக்கப்பட்ட உறுப்பினர்களின் பதவியேற்பு விழாவில் உரையாற்றும் போது ரணில் விக்ரமசிங்க இதனைத் தெரிவித்தார்.
இது தொடர்பில் மேலும் தெரிவிக்கையில்,
அரசாங்கம் இதுவரை செய்தவற்றில் மக்கள் திருப்தி அடையவில்லை, இது உள்ளூராட்சி மன்றத் தேர்தல்களில் 2.3 மில்லியன் வாக்குகள் இழந்ததன் மூலம் நிரூபிக்கப்பட்டுள்ளது.
ஜனாதிபதித் தேர்தல் மற்றும் பொதுத் தேர்தலுக்குப் பிறகு நடைபெறும் உள்ளூராட்சி மன்றத் தேர்தலில் அரசாங்கத்தின் வாக்குகள் அதிகரிக்க வேண்டும், ஆனால் இந்த முறை உள்ளூராட்சித்தேர்தலில் அரசாங்கம் பெரும் பின்னடைவைச் சந்தித்துள்ளது எனவும் தெரிவித்தார்.
உள்ளூராட்சி மன்றங்களில் நீங்கள் சத்தியப்பிரமாணம் செய்து கடமைகளை ஏற்க வேண்டும். உங்கள் அனைவருக்கும் நாங்கள் விசேட பயிற்சி அளிப்போம். பிரதேச சபை உறுப்பினராகவும், கட்சி அமைப்பு விஷயங்களிலும் பணியாற்ற நாங்கள் பயிற்சி அளிப்போம்.
பாராளுமன்றத் தேர்தலில் பெறப்பட்ட 6.8 மில்லியன் வாக்குகளின் எண்ணிக்கை 4.5 மில்லியனாகக் குறைக்கப்பட்டது. அதாவது 2.3 மில்லியன் மக்கள் அரசாங்கத்திற்கு பொருத்தமான வாக்குகளை வழங்கவில்லை.
மேலும், நாங்கள் ஒரு புதிய கட்சியை ஆரம்பிப்போம். நான் அதை இந்தக் குழுவிடம் ஒப்படைக்கிறேன். அதைச் செய்ய முடியுமா இல்லையா என்பதைப் பார்க்க நாம் ஒரு காலக்கெடுவை வழங்க வேண்டும். நாம் மேலும் மேலும் புதிய முகங்களைக் கொண்டுவர வேண்டும் எனத் தெரிவித்தார்.
