பச்சை மிளகாய் ஒரு கிலோ கிராமின் சில்லறை விலை 1000 ரூபாய் வரை உயர்வடைந்துள்ளதாக தெரிவிக்கப்படுகின்றது.
தம்புள்ளை பொருளாதார மத்திய நிலையத்தில் ஒரு கிலோ கிராம் பச்சை மிளகாயின் மொத்த விலை 500 தொடக்கம் 600 ரூபா வரை உயர்வடைந்துள்ளதாகவும் தகவல்கள் வெளிவந்துள்ளன.
இந்தநிலையில், சந்தைகளில் பச்சை மிளகாய் ஒரு கிலோ கிராமின் சில்லறை விலை 1000 ரூபாய் வரை உயர்வடைந்துள்ளது.
பச்சை மிகளகாயின் அறுவடை குறைந்துள்ளதுடன், சந்தை வரத்தும் வெகுவாக குறைந்துள்ளமையின் காரணமாக இவ்வாறு விலை சடுதியாக அதிகரித்துள்ளதாக வியாபாரிகள் தெரிவிக்கின்றனர்.
இதேவேளை, தக்காள ஒரு கிலோகிராமின் விலையும் அதிகரித்து காணப்படுவதாக தெரிவிக்கப்படுகின்றது.
தக்காளி ஒரு கிலோ கிராமின் மொத்த விலை 200 ரூபாவாகவும் சில்லறை விலை 500 ரூபாவாகவும் அதிகரித்து காணப்படுகின்றது.
