பொது நிர்வாகம், மாகாண சபைகள் மற்றும் உள்ளூராட்சி அமைச்சகம், தற்போது விரல் ரேகை இயந்திரங்கள் இல்லாத அனைத்து அரச நிறுவனங்களிலும் அவற்றை நிறுவுவதற்கான நடவடிக்கைகள் எடுக்கப்படும் என அறிவித்துள்ளது.
பல அரசு அலுவலகங்களில் விரல் ரேகை இயந்திரங்கள் ஏற்கனவே உள்ளன என்றாலும், இன்னும் சில நிறுவனங்களில் அவை அறிமுகப்படுத்தப்படவில்லை என்று அமைச்சர் பேராசிரியர் ஏ.ஹெச்.எம்.ஹெச். அபயரத்ன தெரிவித்துள்ளார். அத்தகைய இடங்களில் விரல் ரேகை இயந்திரங்கள் அறிமுகப்படுத்தப்படும் எனவும், இது ஊழியர்களுக்கும் நிர்வாகத்திற்கும் எளிதான செயல் முறை எனவும் அவர் கூறினார்.
தற்போதைய அரசின் கீழ் கூடுதல் வேளைப்பணிக்கான கொடுப்பனவுகள் அதிகரித்துள்ள நிலையில், இக்கொடுப்பனவுகள் துல்லியமாக வழங்கப்படுவதை உறுதி செய்வது மிகவும் அவசியம் என அமைச்சர் சுட்டிக்காட்டினார். அரசு ஊழியர்கள் மக்கள் நிதியிலிருந்து ஊதியம் பெறுவதால், சம்பளம் மற்றும் கூடுதல் வேளைப்பணி கொடுப்பனவுகள் சரியாக கணக்கிடப்பட வேண்டும் என அவர் வலியுறுத்தினார்.
மேலும், இந்த செயல்முறையில் துல்லியத்தையும் பொறுப்புணர்ச்சியையும் பராமரிப்பதில் விரல் ரேகை இயந்திரங்கள் அத்தியாவசிய பங்கை வகிக்கின்றன என பேராசிரியர் அபயரத்ன குறிப்பிட்டார்.
