இலங்கை தேசிய திரைப்படக் கூட்டுத்தாபன 1971 ஆம் ஆண்டின் 47 ஆம் இலக்க சட்டத்தை நீக்கி புதிய சட்டத்தை அறிமுகப்படுத்துவதற்கு அமைச்சரவை ஒப்புதல் அளித்துள்ளது.
தேசிய திரைப்படக் கூட்டுத்தாபனம் தாபிக்கப்பட்டு தற்போது ஐம்பது வருடங்கள் கடந்துள்ளதுடன், குறித்த காலப்பகுதியில் சினிமா தொழிற்றுறைக்குரிய தொழிநுட்பங்களில் மாற்றம் ஏற்பட்டுள்ளதுடன், சமூக, அரசியல் மற்றும் பொருளாதார துறைகளில் பாரிய மாற்றங்கள் ஏற்பட்டுள்ளன.
சமகாலத்திற்குப் பொருத்தமான வகையில் தேசிய திரைப்படக் கூட்டுத்தாபனத்தின் நிறுவன மீள்கட்டமைப்பு மற்றும் பணிப்பொறுப்புக்களைத் திருத்தம் செய்ய வேண்டிய தேவை அடையாளங் காணப்பட்டுள்ளது.
தேசிய திரைப்படக் கூட்டுத்தாபன சட்டத்தின் மூலம் உள்ளடக்கப்படாத துறைகள் தொடர்பாக மூலோபாய திசைமுகப்படுத்தலை ஏற்படுத்தும் நோக்கிலும் மற்றும் சினிமா ஒழுங்குமுறைப்படுத்தல் மற்றும் சினிமாக் கலாச்சாரத்தை மேம்படுத்தல் போன்ற பணிகளை மேற்கொள்வதற்கு இயலுமாகும் வகையில் தாபிப்பதற்கு முன்மொழியப்பட்டுள்ள இலங்கை தேசிய திரைப்பட பேரவையின் கட்டமைப்பு மற்றும் பணிப்பொறுப்புக்கள் தொடர்பான டிப்படை சட்டமூலம் தயாரிக்கப்பட்டுள்ளது.
அதற்கிணங்க, 1971 ஆம் ஆண்டின் 47 ஆம் இலக்க இலங்கை தேசிய திரைப்படக் கூட்டுத்தாபன சட்டத்தை நீக்கி, இலங்கை தேசிய திரைப்பட பேரவையை தாபிப்பதற்காக ஏற்பாடுகளை உள்ளடக்கிய சட்டமூலத்தை தயாரிக்குமாறு சட்டவரைஞருக்கு ஆலோசனை வழங்குவதற்காக புத்தசாசன, சமய மற்றும் கலாச்சார விவகாரங்கள் அமைச்சர் சமர்ப்பித்துள்ள யோசனைக்கு அமைச்சரவை அங்கீகாரம் வழங்கியுள்ளது.
