2025 ஆம் ஆண்டுக்கான கல்விப் பொதுத் சாதாரண தரப் பரீட்சை இன்று நிறைவடையவுள்ள, நிலையில் அமைதியான வழியில் வீடுகளுக்கு செல்லுமாறு பொலிஸார் அறிவுறுத்தியுள்ளனர்.
பரீட்சைக்குத் தோற்றிய மாணவர்கள் வன்முறை சம்பவங்களில் ஈடுபடும் ஆபத்து உள்ளதால் பொலிஸார் அவதானம் செலுத்தியுள்ளனர்.
கடந்த ஆண்டுகளில் நடந்த சம்பவங்களை அடிப்படையாக கொண்டு பாதுகாப்பு நடவடிக்கைகளை மேற்கொள்ள பொலிஸார் நடவடிக்கை எடுத்துள்ளனர்.
பரீட்சை இன்று முடிவடைந்த பின்னர் இது போன்ற சூழ்நிலைகள் ஏற்படாமல் தடுக்க பாதுகாப்பு நடவடிக்கைகளை எடுக்க பொலிஸார் திட்டமிட்டுள்ளனர்.
மேலும் பெற்றோர்கள் தங்கள் பிள்ளைகள் மீது கவனம் செலுத்துமாறும் பொலிஸார் கேட்டுக் கொண்டுள்ளனர்.
அதேசமயம் இவ்வாறு பாடசாலைகளில் சாதாரண தர பரீட்சைகள் முடிந்த பின்னர் ஒரு சில மாணவர்களால் ஒருவருக்கு ஒருவர் உஜாலா (நீலம்) அடித்துக்கொள்வது, பாடசாலை உபகரணங்களை உடைப்பது பாடசாலை, பொதுவெளிகளில் தங்களுடைய பெயர்களை எழுதுதல் மற்றும் மாணவர்கள் ஒருவருக்கு ஒருவர் முரண்படுதல் போன்ற கடந்த கால சம்பவங்களின் எதிரொலியாகவே குறித்த அறிவிப்பு வெளியாகியுள்ளது.
