2026ஆம் ஆண்டுக்கான வலயமட்ட கரம் சுற்றுப் போட்டி, மட்/ மாவிலங்கத்துறை விக்னேஸ்வரா வித்தியாலயத்தில் கடந்த 21.03.2026 அன்று சிறப்பாக நடைபெற்றது.
இந்நிகழ்வில் பிரதம அதிதியாக வலயக் கல்வி பொறுப்பாளர் ரவி கலந்து கொண்டார். மேலும், உடற்கல்வி உதவி பணிப்பாளர் லவக்குமார் உள்ளிட்டோர் மற்றும் வித்தியாலய அதிபர் திலீபன் அவர்களின் தலைமையில் போட்டி ஒழுங்காக முன்னெடுக்கப்பட்டது.
15 முதல் 20 வரை பாடசாலைகள் பங்கேற்ற இப்போட்டியில், பல வித்தியாலயங்களைச் சேர்ந்த மாணவர்கள் உற்சாகமாக கலந்து கொண்டு தங்களது விளையாட்டு திறமைகளை வெளிப்படுத்தினர்.
இதில் மாவிலங்கத்துறை விக்னேஸ்வரா வித்தியாலய மாணவர்கள் குறிப்பிடத்தக்க சாதனையைப் பதிவு செய்தனர். குறிப்பாக, கரம் போட்டியில் ஆண் மற்றும் பெண் 17 வயது அணிகள் முதலாம் இடத்தைப் பெற்றதுடன், மெய்வல்லனர் விளையாட்டுகளிலும் பல்வேறு வெற்றிகளைத் தனதாக்கிக் கொண்டனர்.
மொத்தத்தில், ஒழுங்கும் ஒற்றுமையும் நிறைந்த இந்நிகழ்வு, மாணவர்களின் திறமைகளை வெளிப்படுத்தும் சிறந்த அரங்காக அமைந்து வெற்றிகரமாக நிறைவடைந்தது.
