ஈரான் கடற்பரப்பில் அமைந்துள்ள சர்வதேச ரீதியாக முக்கியத்துவம் வாய்ந்த ஹோர்முஸ் நீரிணை (Strait of Hormuz) தற்போது முழுமையாகத் திறக்கப்பட்டுள்ளதாகவும், கப்பல் போக்குவரத்துப் பயன்பாட்டிற்கு அது தயாராக இருப்பதாகவும் ஈரான் அறிவித்துள்ளதாக அமெரிக்க முன்னாள் ஜனாதிபதி டொனால்ட் ட்ரம்ப் தெரிவித்துள்ளார்.
தனது சமூக வலைதளப் பக்கத்தில் இது குறித்துப் பதிவிட்டுள்ள அவர்,
“ஈரான் கடற்பாதை (Strait of Iran) முழுமையாகத் திறக்கப்பட்டுள்ளதாகவும், முழுமையான போக்குவரத்திற்குத் தயாராக இருப்பதாகவும் ஈரான் தற்போது அறிவித்துள்ளது. மிக்க நன்றி!” எனக் குறிப்பிட்டுள்ளார்.
இதேவேளை, லெபனான் போர்நிறுத்த உடன்படிக்கைக்கு அமைய, ஹோர்முஸ் நீரிணையை (Strait of Hormuz) அனைத்து வர்த்தகக் கப்பல்களின் போக்குவரத்துக்காகவும் முழுமையாகத் திறக்க ஈரான் தீர்மானித்துள்ளது.
இது குறித்து ஈரான் வெளிவிவகார அமைச்சர் விடுத்துள்ள அறிக்கையில், லெபனான் போர்நிறுத்தத்திற்கு இணங்க இந்த முடிவு எடுக்கப்பட்டுள்ளதாகத் தெரிவிக்கப்பட்டுள்ளது.
