நாடு முழுவதும் உள்ள பாடசாலைகளில் 4,000க்கும் மேற்பட்ட அதிபர் பதவிகள் வெற்றிடமாக உள்ளதாக கல்வி அமைச்சு அறிவித்துள்ளது.
இது குறித்து கல்வி பிரதி அமைச்சர் மதுர செனவிரத்ன தெரிவித்துள்ளார். அவர் கூறுகையில், வெற்றிடமாக உள்ள அதிபர் பதவிகளுக்கு தகுதியான விண்ணப்பதாரர்களை தேர்வு செய்து நியமிக்கும் நடவடிக்கைகள் உடனடியாக ஆரம்பிக்கப்படவுள்ளதாக தெரிவித்துள்ளார்.
பாடசாலைகளின் நிர்வாகம் மற்றும் கல்வித் தரத்தை மேம்படுத்த இந்த நியமனங்கள் அவசியமானவை எனவும் அவர் குறிப்பிட்டுள்ளார்.
மேலும், அதிபர் பதவிக்கான போட்டித் தேர்வு பல்வேறு தொழில்நுட்ப காரணங்களால் தற்காலிகமாக ஒத்திவைக்கப்பட்டுள்ளதாகவும், அந்தத் தேர்வை விரைவாக நடத்துவதற்கான ஏற்பாடுகள் பரீட்சைத் திணைக்களத்தால் மேற்கொள்ளப்பட்டு வருவதாகவும் தெரிவிக்கப்பட்டுள்ளது.
கல்வித் துறையில் நிலவும் பணியாளர் பற்றாக்குறை காரணமாக பாடசாலைகளின் நிர்வாக திறன், மாணவர் வழிகாட்டல் மற்றும் கல்வித் தரத்தில் பாதிப்பு ஏற்படக்கூடும் என்பதால், விரைவான தீர்வு அவசியம் எனவும் அவர் சுட்டிக்காட்டியுள்ளார்.
இந்த நடவடிக்கைகள் வெற்றிகரமாக நிறைவேற்றப்பட்டால், நாடு முழுவதும் உள்ள பாடசாலைகளில் நிர்வாக நிலைத்தன்மை ஏற்பட்டு கல்வித் தரம் மேம்படும் என எதிர்பார்க்கப்படுகின்றது.
