ஓகஸ்ட் மாதத்திற்கான எரிபொருள் விலைகளில் எந்தவித மாற்றமும் மேற்கொள்ளப்படாது என இலங்கை பெற்றோலியக் கூட்டுத்தாபனம் அறிவித்துள்ளது.
இதன்படி, தற்போது நடைமுறையில் உள்ள எரிபொருள் விலைகளே தொடர்ந்தும் அமுலில் இருக்கும் என இலங்கை பெற்றோலியக் கூட்டுத்தாபனத்தின் தலைவர் தெரிவித்துள்ளார்.
அதற்கமைய, 92 ஒக்டேன் பெற்றோல் ஒரு லீற்றர் 414 ரூபாவுக்கும், 95 ஒக்டேன் பெற்றோல் ஒரு லீற்றர் 495 ரூபாவுக்கும் விற்பனை செய்யப்படும்.
மேலும், லங்கா ஒட்டோ டீசல் ஒரு லீற்றர் 382 ரூபாவாகவும், லங்கா சுப்பர் டீசல் ஒரு லீற்றர் 478 ரூபாவாகவும் தொடர்ந்தும் விற்பனை செய்யப்படும் என அறிவிக்கப்பட்டுள்ளது.
