இலங்கைக்கு இறக்குமதி செய்யப்படும் கார்கள் மற்றும் முச்சக்கர வண்டிகளுக்கான டயர்களுக்கு புதிய தரக்கட்டுப்பாட்டு விதிமுறைகளை அரசு அறிமுகப்படுத்தியுள்ளது.
இந்த புதிய விதிமுறைகள் 2027 ஜனவரி 01 முதல் அமலுக்கு வரும் என அறிவிக்கப்பட்டுள்ளது.
நிதியமைச்சர் என்ற ரீதியில் ஜனாதிபதி அனுர குமார திசாநாயக்க அவர்களால் 1969 ஆம் ஆண்டின் 1 ஆம் இலக்க இறக்குமதி மற்றும் ஏற்றுமதி (கட்டுப்பாட்டு) சட்டத்தின் கீழ் இந்த உத்தரவு பிறப்பிக்கப்பட்டுள்ளது.
இதற்கமைய, வெளியிடப்பட்டுள்ள அதிவிசேட வர்த்தமானி அறிவித்தலின்படி:
பயணிகள் கார் டயர்கள் (HS Code 4011.10.90): SLS 1212 தர நிர்ணயத்தைப் பூர்த்தி செய்ய வேண்டும்.
முச்சக்கர வண்டி டயர்கள் (HS Code 4011.90.10): SLS 1347 தர நிர்ணயத்திற்கு அமைவாக இருக்க வேண்டும்.
2027 ஜனவரி 01 அல்லது அதற்குப் பிறகு நாட்டின் எந்தவொரு துறைமுகம் அல்லது விமான நிலையத்தை வந்தடையும் டயர்களுக்கு இப்புதிய தரக்கட்டுப்பாட்டு சட்டங்கள் கட்டாயமாக்கப்படும்.
