இந்தோனேசியாவின் துவால் கடற்கரைக்கு அப்பால் 5.7 ரிக்டர் அளவிலான நிலநடுக்கம் பதிவாகியுள்ளதாக அமெரிக்க புவியியல் ஆய்வு மையம் (USGS) தெரிவித்துள்ளது.
இன்று (29) உள்ளூர் நேரப்படி காலை 7.06 மணியளவில் இந்த நிலநடுக்கம் ஏற்பட்டுள்ளதாக அந்த மையம் வெளியிட்டுள்ள தகவல்களில் குறிப்பிடப்பட்டுள்ளது.
துவால் பகுதியில் இருந்து சுமார் 270 கிலோமீட்டர் தொலைவில், 128 கிலோமீட்டர் ஆழத்தில் நிலநடுக்கம் ஏற்பட்டுள்ளதாகத் தெரிவிக்கப்பட்டுள்ளது.
இந்த நிலநடுக்கத்தைத் தொடர்ந்து சுனாமி எச்சரிக்கை அல்லது உயிர், உடைமைச் சேதங்கள் தொடர்பான உடனடித் தகவல்கள் எதுவும் வெளியாகவில்லை.
இந்நிலையில், நிலநடுக்கம் இலங்கையிலிருந்து வெகு தொலைவில் ஏற்பட்டுள்ளதால், நாட்டுக்கு எந்தவிதமான பாதிப்பும் இல்லை எனத் தெரிவிக்கப்பட்டுள்ளது.
நிலநடுக்கம் தொடர்பான மேலதிக தகவல்கள் சம்பந்தப்பட்ட அதிகாரிகளால் கண்காணிக்கப்பட்டு வருகின்றன.
