சர்ச்சைக்குரிய க்ரிஷ் பணப்பரிமாற்ற வழக்கில் நாடாளுமன்ற உறுப்பினர் நாமல் ராஜபக்ஷவுக்கு கொழும்பு நீதவான் நீதிமன்றம் இன்று (03) பிணை வழங்க உத்தரவிட்டுள்ளது.
எனினும், அவருக்கு எதிராகத் தொடரப்பட்டுள்ள எயார் பஸ் விமான ஒப்பந்த வழக்கில் பிணை கிடைக்காத காரணத்தினால், அவர் தொடர்ந்து விளக்கமறியலில் வைக்கப்பட்டுள்ளார்.
குறித்த வழக்கில் 10 கோடி ரூபா இலஞ்சம் பெற்றதாகக் குற்றஞ்சாட்டப்பட்டுள்ள நாமல் ராஜபக்ஷ, எதிர்வரும் 19ஆம் திகதி கொழும்பு நிரந்தர மூவரடங்கிய மேல்நீதிமன்றத்தில் ஆஜர்படுத்தப்படவுள்ளார்.
இதற்கிடையில், க்ரிஷ் வழக்கில் பிணை வழங்கிய நீதிமன்றம், நாமல் ராஜபக்ஷ வெளிநாடு செல்வதற்கும் தடை விதித்துள்ளது.
கொழும்பு கோட்டை, டிரான்ஸ்வேர்க்ஸ் சதுக்கத்திலுள்ள காணிகளைப் பல்நோக்கு அபிவிருத்தித் திட்டத்திற்காக க்ரிஷ் நிறுவனத்திற்கு வழங்குவதற்கு வசதி செய்துகொடுத்தமைக்காக 100 மில்லியன் ரூபா இலஞ்சம் பெற்றதாகக் கூறப்படும் குற்றச்சாட்டின் அடிப்படையில் அவர் கைது செய்யப்பட்டிருந்தார்.
