சம்மாந்துறை ஜமாலியா பள்ளிவாசலில் உண்டியலில் வைக்கப்பட்டிருந்த பணத்தை அடையாளம் தெரியாத நபர் ஒருவர் திருடிச் செல்லும் காட்சிகள் அங்குள்ள சிசிடிவி (CCTV) கமராவில் பதிவாகியுள்ளன.
குறித்த திருட்டுச் சம்பவம் நேற்று (4) மற்றும் இன்று (5) ஆகிய இரு தினங்களிலும் இடம்பெற்றுள்ளதாகத் தெரிவிக்கப்படுகிறது.
இச்சம்பவம் தொடர்பில் பள்ளிவாசல் நிர்வாகத்தினரால் சம்மாந்துறை பொலிஸ் நிலையத்தில் இன்று (05) வியாழக்கிழமை முறைப்பாடு செய்யப்பட்டுள்ளது.
சிசிடிவி காட்சிகளில் பதிவாகியுள்ள நபரை அடையாளம் காண்பதற்கும், அவரைப் பற்றிய தகவல்களைப் பெற்றுக்கொள்வதற்கும் பள்ளிவாசல் நிர்வாகத்தினர் பொதுமக்களின் உதவியைக் கோரியுள்ளனர்.
குறித்த நபர் தொடர்பில் ஏதேனும் தகவல்கள் தெரிந்தவர்கள், சம்மாந்துறை பொலிஸ் நிலையத்தின் 0672 260 222 என்ற தொலைபேசி இலக்கத்திற்குத் தொடர்புகொண்டு தகவல்களை வழங்குமாறு கேட்டுக்கொள்ளப்படுகின்றனர்.
