நாடாளுமன்ற உறுப்பினர் நாமல் ராஜபக்சவுக்கு எதிராகத் தாக்கல் செய்யப்பட்டுள்ள கிரிஷ் கொடுக்கல் வாங்கல் வழக்கில், கொழும்பு மேல் நீதிமன்றம் குற்றப் புலனாய்வுத் திணைக்களத்திற்கு (CID) முக்கிய உத்தரவு ஒன்றைப் பிறப்பித்துள்ளது.
குறித்த வழக்கில் சாட்சியாளர்களாகப் பெயரிடப்பட்டுள்ள இரண்டு இந்தியப் பிரஜைகளுக்கும் அழைப்பாணை அனுப்பப்பட்டுள்ளதா என்பது தொடர்பில் இந்திய உயர்ஸ்தானிகராலயத்திடம் விசாரணை நடத்தி, அதன் முடிவை எதிர்வரும் ஜனவரி மாதம் 18ஆம் திகதி நீதிமன்றத்திற்கு அறிவிக்குமாறு உத்தரவிடப்பட்டுள்ளது.
இந்த வழக்கு இன்று விசாரணைக்கு எடுத்துக்கொள்ளப்பட்டபோது, கொழும்பு மேல் நீதிமன்ற நீதிபதி நதீ அபர்ணா சுவந்துருகொட இந்த உத்தரவைப் பிறப்பித்துள்ளார்.
இதேவேளை, இந்த வழக்கின் பிரதிவாதியான நாமல் ராஜபக்சவும் விசாரணைக்காக நீதிமன்றத்தில் முன்னிலைப்படுத்தப்பட்டிருந்தார்.







