அம்பாறை மாவட்டம், இறக்காமம் – அக்கரைப்பற்று பிரதான வீதியின் 6ஆம் கட்டை அலிகம சந்திக்கு அருகில் நேற்று (16) இடம்பெற்ற வீதி விபத்தில் மூவர் காயமடைந்துள்ளனர்.
அக்கரைப்பற்றிலிருந்து வாங்காமம் நோக்கிப் பயணித்த முச்சக்கரவண்டி ஒன்று சாரதியின் கவனக்குறைவு காரணமாக விபத்துக்குள்ளானதாகத் தெரிவிக்கப்படுகிறது.
இதன்போது முச்சக்கரவண்டியைச் செலுத்திய சாரதியும், அதில் பின்னால் பயணித்த கணவன், மனைவி ஆகிய இருவரும் காயமடைந்துள்ளனர்.
காயமடைந்த மூவரும் உடனடியாக அக்கரைப்பற்று வைத்தியசாலையில் அனுமதிக்கப்பட்டு சிகிச்சை பெற்று வருகின்றனர்.
சம்பவம் தொடர்பான மேலதிக விசாரணைகளை அக்கரைப்பற்று பொலிஸார் முன்னெடுத்து வருகின்றனர்.








