கடுவலை நகரில் அமைந்துள்ள மின்சாதனப் பொருட்கள் விற்பனை நிலையத்தில் இன்று (19) காலை ஏற்பட்ட பாரிய தீ விபத்தில் ஒரே குடும்பத்தைச் சேர்ந்த நால்வர் உயிரிழந்துள்ளனர்.
உயிரிழந்தவர்களில் கணவன், மனைவி மற்றும் 2 வயது, 6 வயதுடைய இரண்டு சிறுவர்களும் அடங்குவதாகத் தெரிவிக்கப்படுகிறது.
இரண்டு மாடிகளைக் கொண்ட குறித்த கட்டடத்தின் கீழ் தளத்தில் மின்சாதனப் பொருட்கள் விற்பனை நிலையம் இயங்கி வந்துள்ளதுடன், உயிரிழந்த குடும்பத்தினர் மேல் மாடியில் வசித்து வந்துள்ளனர்.

தீ பரவலைக் கட்டுப்படுத்தும் நடவடிக்கையில் கோட்டே தீயணைப்புப் பிரிவைச் சேர்ந்த மூன்று தீயணைப்பு வாகனங்கள் ஈடுபடுத்தப்பட்டுள்ளன.
இந்நிலையில், தீ விபத்து ஏற்பட்டதற்கான காரணம் இதுவரை கண்டறியப்படாத நிலையில், சம்பவம் தொடர்பான மேலதிக விசாரணைகளை உரிய அதிகாரிகள் முன்னெடுத்து வருகின்றனர்.








