அம்பாறை மாவட்டம், மல்வத்தை விபுலானந்தா பாடசாலைக்கு அருகில் இடம்பெற்ற மோட்டார் சைக்கிள் – லொறி விபத்தில் 23 வயதுடைய இளைஞர் ஒருவர் உயிரிழந்துள்ளதுடன், மற்றுமொருவர் காயமடைந்துள்ளார்.
இன்று (20) வெள்ளிக்கிழமை இடம்பெற்ற இந்த விபத்தில், மல்வத்தை 02, புதுநகர் பகுதியைச் சேர்ந்த இராசேந்திரன் வர்ஷன் (23) என்ற இளைஞரே உயிரிழந்துள்ளார்.
மோட்டார் சைக்கிளில் அவருடன் பயணித்த மற்றைய இளைஞர் விபத்தில் காயமடைந்த நிலையில், அம்பாறை மாவட்ட பொது வைத்தியசாலையின் அவசர சிகிச்சைப் பிரிவில் அனுமதிக்கப்பட்டு சிகிச்சை பெற்று வருகின்றார்.
விபத்தைத் தொடர்ந்து லொறியின் சாரதியைப் பொலிஸார் கைது செய்து பொலிஸ் நிலையத்தில் தடுத்து வைத்துள்ளனர்.
சம்பவம் தொடர்பான மேலதிக விசாரணைகளைப் பொலிஸார் முன்னெடுத்து வருகின்றனர்.








