மட்டக்களப்பு சிங்கள மகா வித்தியாலய வளாகத்தில் நேற்று முன்தினம் (20) சிரமதானமும் டெங்கு ஒழிப்பு நடவடிக்கையும் செஞ்சிலுவை சங்கத்தினரால் முன்னெடுக்கப்பட்டது.

பாடசாலை வளாகத்தில் வளர்ந்திருந்த புற்கள், பற்றைகள் மற்றும் புதர்களை அகற்றி மாணவர்கள் பாதுகாப்பாக நடமாடக்கூடிய சூழலை ஏற்படுத்துவதுடன், டெங்கு நுளம்புகள் பெருகக்கூடிய இடங்களை அழித்து டெங்கு நோய்ப் பரவலைக் கட்டுப்படுத்தும் நோக்கிலும் இந்நடவடிக்கை முன்னெடுக்கப்பட்டது.

கடந்த மாதம் இராணுவக் கட்டுப்பாட்டிலிருந்த பாடசாலைக் காணி முழுமையாக விடுவிக்கப்பட்ட நிலையில் பாடசாலை நிர்வாகத்தின் வேண்டுகோளுக்கு இணங்கவும். மட்டக்களப்பு சுகாதார வைத்திய அதிகாரி மற்றும் கோட்டைமுனை பொதுச் சுகாதாரப் பரிசோதகர்களின் பணிப்பின் பேரில், இச்சிரமதானப் பணி முன்னெடுக்கப்பட்டுள்ளது.








