கொக்கட்டிச்சோலை ஸ்ரீ தான்தோன்றீஸ்வரர் ஆலய பரிபாலன சபையால் ஆலயத்திற்கு நேர்த்திக் கடனாக கிடைக்கப் பெற்ற பசுக்களை வறுமையான குடும்பங்களின் வாழ்வாதாரத்தை மேம்படுத்தும் வகையில் “குடும்பத்திற்கு ஒரு பசு வழங்கல்” எனும் வேலைத் திட்டத்திற்கு அமைவாக முதற்கட்டமாக போரதீவுப்பற்று பிரதேச செயலகம் வெல்லாவெளி, மண்முனை மேற்கு பிரதேச செயலகம் வவுணதீவு, ஏறாவூர்ப் பற்று பிரதேச செயலகம் செங்கலடி ஆகியவற்றிலிருந்து பிரதேச செயலாளர் ஊடாக தெரிவு செய்யப்பட்ட தலா இரண்டு பேர்(02) மொத்தமாக ஆறு (06) பயனாளிகளுக்கு பசுக்கள் வழங்கி வைக்கும் ஆரம்ப நிகழ்வு நேற்று கொக்கட்டிச்சோலை ஸ்ரீ தான்தோன்றீஸ்வரர் ஆலய முன்றலில் இடம்பெற்றது.
ஆலய பரிபாலன சபைத் தலைவர் வண்ணக்கர் இ. மேகராசா தலைமையில் நடைபெற்ற நிகழ்வில், ஆலய பிரதம குரு சிவஸ்ரீ மு.கு.சச்சிதானந்தக் குருக்கள், செயலாளர் வண்ணக்கர் சி.கங்காதரன், பொருளாளர் வண்ணக்கர் ச.கோகுலகிருஸ்னன், தேசமகா சபை உறுப்பினர்கள், குடிசார்ந்த தலைவர்கள், செயலாளர்கள்,பொருளாளர்கள் மற்றும் பயனாளிகள், பொதுமக்கள் எனப் பலர் கலந்து சிறப்பித்தனர்.
