தனியார் மயமாக்கலுக்கு எதிராக சிறி லங்கா டெலிகொம் ஊழியர்கள் தொடர்ச்சியான தொழிற்சங்க நடவடிக்கைகளை முன்னெடுக்கவுள்ளதாக தொலைத் தொடர்பு ஊழியர் சங்கத்தின் தலைவர் ஜகத் குருசிங்கதெரிவித்துள்ளார்.
இதுதொடர்பில் அவர் ஊடகங்களுக்கு விடுத்துள்ள அறிவிப்பில் தெரிவிக்கப்பட்டுள்ளதாவது:
சிறி லங்கா டெலிகொம் நிறுவனத்தை தனியார் மயமாக்கும் தீர்மானத்தை எதிர்த்து அடுத்த மாதம்
பெரும் வேலைநிறுத்தப் போராட்டம் ஒன்று முன்னெடுக்கப்படவுள்ளது. தற்போது தனியார் மயமாக்கலுக்கான மதிப்பீட்டு பணியில் சர்வதேச நிறுவனம் ஒன்று ஈடுபட்டு வருகிறது.
உலக வங்கியுடன் இணைக்கப்பட்ட சர்வதேச நிறுவனம் குறித்த நடவடிக்கைகளுக்காக இலங்கையில் செயற்பட்டு வருகின்றது. அத்தகைய நிறுவனம் இவ்வாறான நடவடிக்கைகளை மேற்கொள்வதற்கான
உரிமைகளைக் கொண்டிருக்கவில்லை. மேலும், உலக வங்கி கடன்களை வழங்கும் அதேவேளை, உள்விவகாரங்களில் தேவையற்ற தலையீடுகளை மேற்கொள்வது பொருத்தமற்றதாகும்.
இந்த பின்னணியில் பெரும் சதி காணப்படுகின்றது.பொருளாதாரத்தினை மேம்படுத்துவதாகக் கூறி நாட்டின் வளங்களை விற்பனை செய்வதற்கு இடமளிக்க முடியாது என்றார்.
