வடக்கு கிழக்கு வலிந்து காணாமல் ஆக்கப்பட்ட உறவுகளின் வவுனியா மாவட்ட நிர்வாக தெரிவு இன்று இடம்பெறவுள்ளதாக வடக்கு கிழக்கு வலிந்து காணாமல் ஆக்கப்படட உறவுகளின் சங்க தலைவி ஜொகராசா கனகரன்சினி அறிவித்துள்ளார்.
இது தொடர்பாக அவர் மேலும் தெரிவிக்கையில் ,
வலிந்து காணாமல் ஆக்கப்பட்ட உறவுகளின் சங்கத்தின் எட்டு மாவட்டங்களிலும் நிர்வாக கட்டமைப்புக்கள் சீர்செய்யப்படவுள்ளது.
அந்த வகையில் வவுனியா மாவட்ட நிர்வாகத்தில் ஒரு சில இடைவெளிகள் நிரப்பப்பட வேண்டி உள்ளதால் இன்று காலை 10 மணிக்கு வவுனியா யுசி மண்டபத்தில் பொது கூட்டமும் நிர்வாகத்தெரிவும் நடைபெறவுள்ளது.
வடக்கு கிழக்கு காணாமல் ஆக்கப்பட்ட உறவுகளின் எட்டு மாவட்ட கட்டமைப்புக்குள்ளும் அடுத்தடுத்து இந்த இடைவெளிகள் பாதிக்கப்பட்ட உறவுகளை உள்ளடக்கி தெரிவு செய்யவுள்ளோம்.
ஆகவே முதற்கட்டமாக வவுனியா மாவட்டத்தில் உள்ள காணாமல் ஆக்கப்பட்ட உறவுகள் அனைவரும் இன்றையதினம் ஒன்றிணைத்து பொதுக்கூட்டத்தில் கலந்துகொண்டு நிர்வாகத்தினை தெரிவு செய்ய ஒன்றுகூடுமாறு வடக்கு கிழக்கு காணாமல் ஆக்கப்பட்ட உறவுகளின் சங்கத்தினர் அழைப்பதாக தெரிவித்தார்.
