மட்டக்களப்பு காணி மத்தியஸ்த சபையினுடைய உறுப்பினர்களை தெரிவு செய்வதற்கான நேர்முக பரீட்சையானது இன்று (01.11.2023) மண்முனை வடக்கு பிரதேச செயலகத்தில் நடைபெறுகின்றது.
இலங்கை நீதி அமைச்சின் கீழ் உள்ள காணி மத்தியஸ்தசபை ஆணை குழுவினால் இந்த நேர்முகப்பரீட்சை நடத்தப்படுகிறது. இந் நேர்முகப்பரீட்சைக்கு பட்டதாரிகள் மற்றும் சமூக மட்டங்களில் சேவையாற்றுவோர் விண்ணப்பித்திருந்தனர். இதில் தேர்வு செய்யப்படுபவர்களுக்கு ஐந்து நாட்கள் முழுநேர பயிற்சிநெறி ஒன்று நடத்தப்பட்டு, பயிற்சி நெறியின் இறுதி நாளில் பரீட்சை ஒன்று நடத்தப்பட்டு அதில் அவர்கள் பெறும் புள்ளிகளின் அடிப்படையில் தெரிவு செய்யப்படுபவர்களே இந்த காணி மத்தியஸ்த சபையின் உறுப்பினர்களாக தெரிவு செய்யப்படுவர்.
நீதி அமைச்சின் கீழுள்ள பொறியியலாளர், மாவட்ட மத்தியஸ்தசபை பயிற்றுனர், மட்டக்களப்பு மாவட்ட செயலக திட்டமிடல் அதிகாரி போன்றவர்கள் இந் நேர்முகப்பரீட்சையை நடத்தியதோடு மட்டக்களப்பு மாவட்ட மத்தியஸ்த சபை அபிவிருத்தி உத்தியோகத்தர்கள் தங்களது ஒத்துழைப்புக்களை வழங்கியிருந்தனர்.
