மட்டக்களப்பில் இரு மீனவர்களை காணவில்லை; தேடுதல் நடவடிக்கையில் கடற்படையினர்!

மட்டக்களப்பு கல்குடா கல்மடு கடல் பிரதேசத்தில் மீன்பிடிப்பதற்காக கடந்த வெள்ளிக்கிழமை கடலுக்கு சென்ற இருவர் மூன்று தினங்களாகியும் வீடு திரும்பாத நிலையில், இயந்திர படகுடன் காணாமற்போன இரு மீனவர்களை கடற்படையினர் தேடி வருவதாக கல்குடா பொலிஸார் தெரிவித்தனர்.

கல்குடா கல்மடு பிரதேசத்தைச் சேர்ந்த தங்கவேல் தங்கத்துரை (வயது-52) மற்றும் கந்தையா புண்ணியராசா (வயது-56) ஆகிய இருவருமே காணாமற்போயுள்ளனர்

கடந்த வெள்ளிக்கிழமை மாலை 5 மணியளவில் கல்குமடு கடற்கரையில் இருந்து பைபர் இயந்திரப் படகின் மூலம் மீன்பிடிப்பதற்காக கடலுக்குச் சென்ற இந்த இருவரும் வீடு திரும்பாத நிலையில் அவர்கள் தொடர்பாக பொலிஸ் நிலையத்தில் முறைப்பாடு செய்யப்பட்டது.

இதனையடத்து கல்குடா பொலிஸார் கடற்படையினர் மற்றும் மீனவர்களின் உதவியுடன் காணாமற்போனவர்களை மீனவர்களை தேடும் பணி தொடர்கின்றது