பாதாள உலக தலைவரின் மகன் கொழும்பில் ஐஸ் போதைப் பொருளுடன் கைது!

3 இலட்சம் ரூபாவிற்கும் அதிகமான ஐஸ் போதைப்பொருளுடன் சந்தேக நபர் ஒருவர் கைது செய்யப்பட்டுள்ளதாக பொரளை பொலிஸார் தெரிவிக்கின்றனர்.

கைதானவர் பொரளை கஜபா வீதியில் வசிக்கும் 38 வயதுடையவராவார் என பொரளை பொலிஸார் தெரிவிக்கின்றனர்.

இவரிடமிருந்து 14770 மில்லி கிராம் ஐஸ் போதைப்பொருள் பொரளை பொலிஸாரால் கைப்பற்றப்பட்டுள்ளன.

பொரளை மாதா வீதி பகுதியில் மேற்கொள்ளப்பட்ட சுற்றிவளைப்பின் போதே இவர் கைது செய்யப்பட்டார்.

சந்தேக நபர் இதற்கு முன்னர் போதைப்பொருளுடன் கைது செய்யப்பட்டு பிணையில் விடுவிக்கப்பட்டவர் என பொலிஸார் தெரிவிக்கின்றனர்.

அத்துடன், இவர் படுகொலை செய்யப்பட்ட சொத்தி உப்பாலி என்ற பாதாள உலக தலைவரின் மகன் எனவும் விசாரணைகளில் இருந்து தெரியவந்துள்ளதுடன் மேலதிக விசாரணைகளை பொலிஸார் மேற்கொண்டு வருகின்றமை குறிப்பிடத்தக்கது.