மட்டக்களப்பு காத்தான்குடியில் வளர்ந்து வரும் சுற்றுலாத்துறையை விரிவுபடுத்துவது தொடர்பான கலந்துரையாடலொன்று நேற்று இடம்பெற்றது.
தென்கிழக்கு பல்கலைக்கழகத்தின் வர்த்தக முகாமைத்துவ பீடத்தின் தலைவரும் வியாபார பொருளியல் துறைப் பேராசிரியருமான கலாநிதி ஏ.எம்.எம்.முஸ்தபா தலைமையில் காத்தான்குடி நகர சபை மாநாட்டு மண்டபத்தில் கலந்துரையாடல் நடைபெற்றது. இந்தியாவில் இருந்து சுற்றுலாத்துறை மற்றும் பொருளியல் துறைப் பல்கலைக்கழக பேராசிரியர்கள், காத்தான்குடி பிரதேச செயலாளர் யு.உதய சிறீதர், காத்தான்குடி நகர சபை செயலாளர் திருமதி ரிப்கா சபீன் உட்பட பலரும் இதில் பங்கேற்றனர்.
