மொரட்டுவை , கட்டுபெத்த பிரதேசத்தில் உள்ள விடுதியொன்றில் போதைப்பொருள் விருந்து நடத்திய இரு பொலிஸ் உத்தியோகத்தர்களும் இரு பெண்களும் போதைப்பொருட்களுடன் கைது செய்யப்பட்டுள்ளதாக தெரிவிக்கப்படுகின்றது.
மொரட்டுவை பொலிஸாருக்கு கிடைத்த தகவலின் பேரில் மேற்கொள்ளப்பட்ட சோதனையில் சந்தேக நபர்கள் கைது செய்யப்பட்டுள்ளதாக கூறப்படுகின்றது.
அங்குலான பொலிஸ் நிலையத்தில் கடமையாற்றும் பொலிஸ் உத்தியோகத்தரொருவரும் தெஹியத்தகண்டிய பொலிஸ் நிலையத்தில் கடமையாற்றும் பொலிஸ் உத்தியோகத்தர் ஒருவமே கைது செய்யப்பட்டுள்ளர்.
அங்குலான பொலிஸ் நிலையத்தில் கடமையாற்றும் பொலிஸ் உத்தியோகத்தரிடமிருந்து 1 கிராம் ஹஸிஸ் போதைப்பொருளும் , தெஹியத்தகண்டிய பொலிஸ் நிலையத்தில் கடமையாற்றும் பொலிஸ் உத்தியோகத்தரிடமிருந்து 20 மில்லிகிராம் ஹெரோயினும் , இரு பெண்களிடமிருந்து 260 மில்லிகிராம் போதைப்பொருளும் மற்றும் 40 மில்லிகிராம் ஐஸ் உள்ளிட்ட போதைப்பொருட்கள் கைப்பற்றப்பட்டுள்ளன.
கைது செய்யப்பட்ட தெஹியத்தகண்டிய பொலிஸ் நிலையத்தில் கடமையாற்றும் பொலிஸ் உத்தியோகத்தர் கடமையில் இருக்கும்போதே இந்த போதைப்பொருள் விருந்தை நடத்தியதாக பொலிஸார் மேலும் தெரிவித்தனர்.
