மட்டக்களப்பு ஏறாவூர் பொலிஸ் பிரிவுக்குட்பட்ட வந்தாறுமூலை பகுதியில் பொலிஸார் மற்றும் விசேட அதிரடிப்படையினரால் சுற்றிவளைப்பு ஒன்று மேற்கொள்ளப்பட்டுள்ளது.
நாடாளாவிய ரீதியில் முன்னெடுக்கப்பட்டு வரும் யுக்திய சுற்றிவளைப்பின் மற்றுமொரு கட்டமாக நேற்று (26) குறித்த சுற்றிவளைப்பு முன்னெடுக்கப்பட்டுள்ளது.
அதற்கமைய, ஏறாவூர் பொலிஸ் நிலைய பொறுப்பதிகாரி என்.ஹர்ச டி சில்வா தலைமையிலான பொலிஸார் மற்றும் வாழைச்சேனை பொலிஸ் விசேட அதிரடிப்படையினர் இணைந்து இந்த செயற்றிட்டத்தினை முன்னெடுத்துள்ளனர்.
இந்நிலையில், மட்டக்களப்பு – திருகோணமலை பிரதான வீதியின் ஊடாக பயணித்த பேருந்துகள் மற்றும் சந்தேகத்திற்குரிய வாகனங்கள் பொலிஸாரினால் நிறுத்தப்பட்டு வந்தாறுமூலை பகுதியில் சோதனைக்குட்படுத்தப்பட்டுள்ளன.
அத்துடன், பயணிகள் பேருந்தில் இருந்து இறக்கப்பட்டு அவர்களின் பயணப்பொதிகள், உடைமைகள் சோதனைக்கு உட்படுத்தப்பட்டுள்ளதுடன் சோதனை செய்யப்பட்ட பேருந்துகள் பதிவும் செய்யப்பட்டுள்ளன.
