கல்முனையில் பாடசாலை மாணவன் மாயம்; மட்டக்களப்பில் மாணவன் கடத்தல் தொடர்பில் பரவும் ஒலிப்பதிவு!

இலங்கையின் கிழக்கு மாகாணம், கல்முனை உடையார் வீதியைச் சேர்ந்த ட்ரெவிஷ் தக்சிதன் என்ற 14 வயதுச் சிறுவன் காணாமல் போயுள்ளதாக பெற்றோர் தெரிவித்துள்ளனர்.

நேற்று (07.05.2023) காலை பாடசாலையின் பிரத்தியேக வகுப்புக்குச் சென்ற சிறுவன் வீடு திரும்பவில்லை என்றும், அந்தச் சிறுவன் பற்றிய தகவல்கள் கிடைத்தால் பின்வரும் இலக்கத்திற்கு அறியத்தருமாறும் பெற்றோர் உதவிகோரியுள்ளனர்.

0773609218

0776510154

0772309254

இதே சமயம் வாட்ஸ் அப் செயலி மூலமாக ஒரு ஒலிபதிவொன்று பகிரப்பட்டு வருகின்றது. அதில் நேற்று முன்தினம் காலை 6.30 மணியளவில் மட்டக்களப்பு மாதா கோவிலருகே வெள்ளை வானில் வந்த கும்பல் ஒன்று தரம் 6 இல் கல்வி பயிலும் மாணவர் ஒருவரை கடத்த முற்பட்டதாகவும் இது தொடர்பில் குறித்த மாணவனின் பெற்றோர் பொலிஸ் நிலையத்தில் முறைப்பாடு செய்துள்ளதாகவும் குறிப்பிடப்பட்டிருந்தது. மேற்குறித்த ஒலிப்பதிவானது உண்மையா? பொய்யா? என ஆராயாமல் பெற்றோர் தத்தமது பிள்ளைகளை பாதுகாப்பாக வைத்திருக்க வேண்டியது இன்றைய கால கட்டத்தில் தேவையாகவுள்ளது.

மேலும் அவ்வொலிப்பதிவில் குறிப்பிடப்பட்டதற்கிணங்க பெற்றோர் தங்கள் பிள்ளைகளுக்கு முன்பின் தெரியாதவர்கள் திண் பண்டங்கள் வழங்கினால் அதனை வாங்கவேண்டாம் எனவும், வற்புறுத்தி எங்காவது அழைத்து செல்ல முற்படும் வேளையில் உடனடியாக பெற்றோரை தொடர்பு கொள்ள முடியாத பட்சத்தில் அருகில் இருப்பவர்களை உதவிக்கு அழைக்கும் படி சில விழிப்புணர்வுகளை வழங்க வேண்டும்.