வடக்கு, கிழக்கு மாகாணங்களில் உள்ள விகாரைகள் மற்றும் நாடளாவிய ரீதியில் உள்ள விசேட பௌத்த தொல்பொருள் தலங்களின் புனரமைப்புப் பணிகளை உறுதிப்படுத்துமாறு ஜனாதிபதி ரணில் விக்ரமசிங்கவிடம், அஸ்கிரிய மகா விகாரை வலியுறுத்தியுள்ளது.அஸ்கிரிய மகா விகாரையின் வரக்காகொட சிறி ஞானரத்ன தேரரினால், ஜனாதிபதிக்கு நேற்று அனுப்பப்பட்டுள்ள கடிதத்தில் இந்த விடயம் வலியுறுத்தப்பட்டுள்ளது.
தற்போது நாட்டின் பல்வேறு பகுதிகளிலும் நடைமுறைப் படுத்தப்படும் தொல்பொருள் தலங் கள் சம்பந்தமான திட்டங்களை அவ்வாறே தொடர்ந்து முன்கொண்டு செல்லல் மற்றும் வெளித்
தரப்புகளில் இருந்து பெற்றுக்கொள்ளப்படும் உதவிகளை அதற்காகப் பயன்படுத்தல் தொடர்பிலும் அவதானம் செலுத்த வேண்டும் என அதில் கோரப்பட்டுள்ளது.
இனவாத மற்றும் மதவாத பிரச்னைகள் ஏற்படுவது போன்றதான பிம்பத்தை, நாட்டின் பல்வேறு பிரதேசங்களில் இடம்பெறுகின்ற சம்ப வங்களின் மூலம் காணக்கூடியதாக உள்ளது. எனவே, அவற்றைத் தடுப்பதற்கு உரிய நடவடிக்கைகள் எடுக்கப்பட வேண்டும்.
இந்த விடயங்கள் தொடர்பில் தாங் கள் விசேட கவனம் செலுத்தி உரிய நடவடிக்கை எடுக்குமாறு கேட்டுக்
கொள்வதாக அஸ்கிரிய மகா விகாரை, ஜனாதிபதிக்கு அனுப்பியுள்ள கடிதத்தில் குறிப்பிடப்பட்டுள்ளது.
வடக்கு-கிழக்கு பகுதிகளில் மேற் கொள்ளப்படும் பௌத்த விகாரைகள் அமைக்கும் பணிகளுக்கு எதிராகப்
பரவலாகப் போராட்டங்கள் நடத்தப் பட்டு வரும் நிலையில் அஸ்கிரிய பீடத்தினால் அவசர அவசரமாக இந்த கடிதம் அனுப்பப்பட்டுள்ளமை குறிப்பிடத்தக்கது.
