இ.போ.ச பஸ் மீது முறிந்து விழுந்த மரம்!

இலங்கை போக்குவரத்து சபைக்கு சொந்தமான பஸ் ஒன்றின் மீது மரம் ஒன்று முறிந்து விழுந்ததில் இருவர் இரண்டு பேர் காயங்களுக்கு உள்ளாக்கி கினிகத்தேன வைத்தியசாலையில் அனுமதிக்கப்பட்டுள்ளதாக கினிகத்தேன பொலிஸார் தெரிவித்தனர்.

இந்த சம்பவம் இன்று (23.05.2024) வியாழக்கிழமை மதியம் 01.15மணியளவில் இடம்பெற்றதாக பொலிஸார் மேலும் தெரிவித்தனர்.

ஹட்டனில் இருந்து கண்டி நோக்கி பயணித்த இலங்கை போக்குவரத்து சபைக்கு சொந்தமான பஸ்ஸின் மீது ஹட்டன் கொழும்பு பிரதான வீதியின் தியகல பகுதியில் வைத்து குறித்த மரம் விழுந்துள்ளதாக பொலிஸார் மேலும் தெரிவித்தனர்.

நாட்டில் நிலவும் சீரற்ற காலநிலை காரணமாக பிரதான வீதிகளின் போக்குவத்தை மேற்கொள்ளும் சாரதிகள் மற்றும் பொதுமக்கள் அவதானத்துடன் பயணிக்குமாறு பொலிஸார் கோரியுள்ளனர்.