அம்பாறை பொது மருத்துவமனையின் சவக்கிடங்கில் உறவினர்களால் உரிமை கோரப்படாத நிலையில் வைக்கப்பட்டுள்ள மூன்று ஆண்களின் சடலங்களை அடையாளம் காண்பதற்கு பொலிஸார் பொதுமக்களின் உதவியை நாடியுள்ளனர்.
வெவ்வேறு சந்தர்ப்பங்களில் மருத்துவ சிகிச்சைக்காக அனுமதிக்கப்பட்ட குறித்த மூவரும் சிகிச்சை பலனின்றி உயிரிழந்துள்ளனர். எனினும், பல மாதங்கள் கடந்தும் அவர்களது சடலங்களைப் பெற்றுக்கொள்ள உறவினர்கள் எவரும் முன்வரவில்லை என பொலிஸார் தெரிவித்துள்ளனர்.
முதலாவது நபர்: U.D. பெர்னாண்டோ எனப் பெயர் குறிப்பிடப்பட்டுள்ளதுடன், முகவரி கிடைக்கவில்லை. இவர் 2026 மார்ச் 29ஆம் திகதி வைத்தியசாலையில் அனுமதிக்கப்பட்டு, மார்ச் 31ஆம் திகதி உயிரிழந்துள்ளார்.
இரண்டாவது நபர்: விஜேரத்ன எனப் பெயர் குறிப்பிடப்பட்டுள்ளதுடன், முகவரி கிடைக்கவில்லை. இவர் 2026 ஜூன் 24ஆம் திகதி அனுமதிக்கப்பட்டு, ஜூன் 25ஆம் திகதி உயிரிழந்துள்ளார்.
மூன்றாவது நபர்: இதுவரை அடையாளம் காணப்படாத இவர், 2026 ஆகஸ்ட் 10ஆம் திகதி வைத்தியசாலையில் அனுமதிக்கப்பட்டு, ஒக்டோபர் 24ஆம் திகதி உயிரிழந்துள்ளார்.
இந்நிலையில், குறித்த நபர்களை அடையாளம் காணவோ அல்லது அவர்களது உறவினர்களைக் கண்டறியவோ உதவக்கூடிய தகவல்கள் தெரிந்தவர்கள் பின்வரும் தொலைபேசி இலக்கங்களுடன் தொடர்புகொள்ளுமாறு பொலிஸார் கேட்டுக்கொண்டுள்ளனர்.
அம்பாறை தலைமையக பொலிஸ் பரிசோதகர்: 071-8591148
அம்பாறை பொலிஸ் நிலையம்: 063-2222222
இந்தத் தகவலை ஊடக நிறுவனங்களும் பொதுமக்களும் பரப்பி, உயிரிழந்தவர்களின் உறவினர்களைக் கண்டறிய உதவுமாறு பொலிஸ் ஊடகப் பிரிவு வேண்டுகோள் விடுத்துள்ளது.
