ஏடன் வளைகுடா பகுதியில் பயணித்த சரக்கு கப்பலொன்றின் மீது ஹவுதி கிளர்ச்சியாளர்கள் நேற்றுமுன்தினம் (09) ஏவுகணை தாக்குதல் நடத்தியுள்ளனர்.
ஏடன் வளைகுடா பகுதியில் அன்டிகுவா மற்றும் பார்படா நாட்டு கொடியுடன் பயணித்த சரக்கு கப்படலொன்றின் மீது அடுத்தடுத்து 2 ஏவுகணைகள் வீசி ஹவுதி கிளர்ச்சியாளர்கள் நேற்றுமுன்தினம் (09) தாக்குதல் நடத்தியுள்ளனர்.
இதனால் குறித்த கப்பலின் முன்பகுதியில் தீப்பற்றியுள்ளது. கப்பலில் இருந்தவர்கள் அங்குபரவிய தீயை விரைந்து அணைத்துள்ளனர். எனினும், அதில் பயணித்த எவருக்கும் எந்த பாதிப்பும் ஏற்படவில்லை என தகவல்கள் தெரிவிக்கின்றன.
ஹமாஸ் போராளிகளுக்கு ஆதரவு தெரிவித்து வரும் ஹவுதி கிளர்ச்சியாளர்கள் இந்த தாக்குதலை நடத்தி இருக்கலாம் என சந்தேகிக்கப்படுகிறது. ஆனால், இத்தாக்குதல் குறித்து கிளர்ச்சியாளர்கள் எந்த தகவலும் வெளியிடவில்லை.
