மட்டக்களப்பு பாலமீன்மடு புதுமைமிகு குழந்தை இயேசு ஆலயத்தின் 30ஆவது ஆண்டு நிறைவு
விசேட திருவிழா கூட்டுத் திருப்பலி நடைபெற்றது.மட்டக்களப்பு மறை மாவட்ட ஆயர் யோசப்
பொன்னையா ஆண்டகை தலைமையில், பங்குத்தந்தை அருட்பணி இன்னாசி யோசப் அடிகளாருடன் அருட்தந்தையர்கள் இணைந்து திருவிழா கூட்டுத் திருப்பலியை ஒப்புக்கொடுத்தனர்.
ஆலய திருவிழா கொடியேற்ற நிகழ்வானது கடந்த வெள்ளிக்கிழமை மாலை பங்குத்தந்தை தலைமையில் ஆரம்பமாகி தொடர்ந்து நவ நாட்காலங்களில் திருச்செபமாலை, திருப்பலி ஒப்பு கொடுக்கப்பட்டு நேற்று முன்தினம் மாலை குழந்தை இயேசுவின் திருவுருவ பவனியும் அதனை தொடர்ந்து நற்கருணை ஆராதனையும் நடைபெற்றது.
நேற்று காலை மட்டக்களப்பு மறை மாவட்ட ஆயர் யேசப் பொன்னையா ஆண்டகை தலைமை யில் நடைபெற்ற திருவிழா கூட்டுத் திருப்பலியை தொடர;ந்து ஆலய முன்றலில் குழந்தை இயேசுவின் சுரூப ஆசி இடம்பெற்று, ஆலய வருடாந்த திருவிழா கொடியிறக்கத்துடன் நிறைவு பெற்றது.இந்த நிகழ்வில் ஏராளமானவர்கள் பங்கேற்றனர்.
