கல்லடி பிரதேசத்தில் உள்ள வீட்டிலிருந்து வயோதிபப்பெண் ஒருவர் நேற்று (18) சடலமாக மீட்கப்பட்டுள்ளதாக பொலிஸார் தெரிவித்துள்ளனர். புதிய முகத்துவாரம் வீதி கல்லடி மட்டக்களப்பு பிரதேசத்தைச் சேர்ந்த (76) வயது மூன்று பிள்ளைகளின் தாயாரான றோசம்மா ஞானப்பிரகாசம் என்பவரே சடலமாக மீட்கப்பட்டவராவார்.
தனது மகளுடன் வாழ்ந்து வந்த நிலையில் கடந்த மாதம் வெளிநாட்டில் உள்ள சகோதரியை பார்ப்பதற்காக குறித்த வயோதிப தாயாரை தனிமையில் வீட்டுச் சென்றதாகவும் பின்னர் சம்பவ தினத்தன்று நாடு திரும்பிய மகள் தனது வீட்டுக்கு சென்று தாயாரை அழைத்த போது வீட்டின் உட்பகுதியில் துர்நாற்றம் வீசியதையடுத்து வீட்டின் கதவை உடைத்து உட்சென்ற போது வீட்டின் மலசலகூடத்தினுள் உருக்குலைந்த நிலையில் மரணமடைந்து காணப்பட்டதாகபொலிஸாரின் ஆரம்பக்கட்ட விசாரணைகளின் போது தெரியவந்துள்ளது.
மண்டூர் பிரதேச திடீர் மரணவிசாரணை அதிகாரி தம்பிப்பிள்ளை தவக்குமார் சடலத்தினை பார்வையிட்ட பின்னர் பிரேதத்தை உடற்கூற்று பரிசோதனைக்கு உட்படுத்தும் படி பொலிஸாருக்கு பணித்தார். சம்பவம்
பற்றிய மேலதிக விசாரணைகளை காத்தான்குடி பொலிஸார் மேற்கொண்டு வருகின்றனர்.
