இலங்கையில் இன்றையதினம் ஜனாதிபதி தேர்தல் வாக்களிப்புக்கள் நிறைவடைந்துள்ளது.
இந்நிலையில் தேவை ஏற்பட்டால் ஊரடங்குச் சட்டம் அமுல்படுத்தப்படும் என்றும் வன்முறை வெடித்தால் அது கட்டாயம் அமுல்படுத்தப்படும் என்றும் பொது பாதுகாப்பு அமைச்சர் டிரான் அலஸ் தெரிவித்தார்.
இது தொடர்பில் அவர் மேலும் கூறுகையில்,
“ஜனாதிபதித் தேர்தல் வாக்களிப்புக்கள் அமைதியாக நடைபெற்று முடிந்துள்ளது. இந்த சூழலைப் பேணுமாறு பொதுமக்களிடமும், அரசியல் கட்சித் தலைவர்களிடமும் நான் வேண்டுகோள் விடுக்கின்றேன்.
ஜனாதிபதித் தேர்தலின் போது தேசத்தின் பாதுகாப்பை உறுதிப்படுத்த எங்களால் முடிந்த அனைத்தையும் செய்துள்ளோம்” என்றும் பாதுகாப்பு அமைச்சர் டிரான் அலஸ் கூறினார்.
