உள்ளூராட்சி நிறுவனங்களில் பணியாற்றும் 10 ஆயிரத்து 355 ஊழியர்களின் பணியை நிரந்தரமாக்கத் தீர்மானிக்கப்பட்டுள்ளது என்று மாகாண சபைகள் மற்றும் உள்ளூராட்சி இராஜாங்க அமைச்சர் ஜனக வக்கும் புர அறிவித்துள்ளார்.
இந்த ஊழியர்களில் தற்காலிக ஒப்பந்தகாரர்கள் மாற்றுத் திறனாளிகளும் அடங்குவர். இவர்களை நிரந்தரமாக்குவதற்கு ஜனாதிபதி மற்றும் பிரதமர் இணங்கியுள்ளனர். தங்களின் பணிகளை நிரந்தரமாக்குமாறு நீண்ட தற்காலிக பணியாளர்கள் அரசாங்கத்திடம் கோரிக்கை விடுத்திருந்தனர். எனவே உள்ளூராட்சி மன்றங்கள் கலைக்கப்பட்ட நிலையில் இந்த சாதாரண பணியாளர்கள் ஆற்றிய பணியை கருத்தில் கொண்டு அவர்களை நிரந்தரமாக்க நடவடிக்கை எடுக்கப்பட்டுள்ளது – என்றும் தெரிவித்தார்.
