மட்டக்களப்பு காத்தான்குடி பிரதேச செயலகத்தில் நேற்று(11) பாடசாலை மாணவர்களுக்கான விழிப்புணர்வு செயலமர்வொன்று இடம் பெற்றது.
சிறுவர் துஷ்பிரயோகமும், தற்கொலை முயற்சியும் எனும் தலைப்பில் இடம் பெற்ற விழிப்புணர்வு செயலமர்வில் உளவள ஆலோசகர் எஸ்.சிறீதரன் விரிவுரைகளை நிகழ்த்தினார்.
காத்தான்குடி பிரதேச செயலாளர் உதயசிறீதரின் வழிகாட்டலிலும் ஆலோசனையிலும் உதவி பிரதேச செயலாளர் திருமதி சில்மியா தலைமையில் நிகழ்வு நடைபெற்றது.
காத்தான்குடி பிரதேச செயலக சமுர்த்தி பிரிவும், சிறுவர் பெண்கள் பிரிவும் இணைந்து நடாத்திய செயலமர்வில் சமுர்த்தி தலைமையக முகாமையாளர் திருமதி பத்மா ஜெயராஜ் உட்பட சமுர்த்தி முகாமையாளர்கள், சமுர்த்தி சமூக அபிவிருத்தி உத்தியோகத்தர், மாணவர்கள் என பலரும் கலந்து கொண்டனர்.
