நவகமுவ பிரதேசத்தில் பௌத்த பிக்கு ஒருவரும், இரண்டு பெண்களும் தாக்கப்பட்ட சம்பவம் தொடர்பில் கைது செய்யப்பட்ட 8 சந்தேகநபர்களும் எதிர்வரும் 12ஆம் திகதி வரை விளக்கமறியலில் வைக்கப்பட்டுள்ளனர்.
சந்தேகநபர்களை இன்று (8) கடுவலை நீதிவான் விசாரணைகளுக்காக முன்னிலைப்படுத்திய போது இந்த உத்தரவு பிறப்பிக்கப்பட்டுள்ளது.
நவகமுவ பகுதியை சேர்ந்த பிக்குவுடன் தொடர்பில் இருந்ததாக கூறப்படும் இரண்டு பெண்கள், ஒன்றாக இருந்த வேளையில், அவர்களை இளைஞர்கள் குழுவொன்று தாக்குவது போன்ற காணொளி ஒன்று சமூக வலைத்தளங்களில் வைரலாகி வந்தது.
இந்தநிலையில், இச்சம்பவம் தொடர்பில் காவல்துறையில் முறைப்பாடளிக்கப்பட்டது.
இந்நிலையில், சம்பந்தப்பட்ட பெண்களை கடுமையாக தாக்கிய குற்றச்சாட்டில் கைது செய்யப்பட்ட சந்தேகநபர்கள் 8 பேருக்கும் இவ்வாறு விளக்கமறியல் உத்தரவு பிறப்பிக்கப்பட்டுள்ளது
