மட்டக்களப்பு, ஏறாவூர்ப்பற்று – செங்கலடி பிரதேச சபைக்கான புதிய தவிசாளராக இலங்கை தமிழரசுக் கட்சியைச் சேர்ந்த முத்துப்பிள்ளை முரளிதரன் இன்று (12) தெரிவு செய்யப்பட்டார்.
இந்நிகழ்வு கிழக்கு மாகாண உள்ளுராட்சி ஆணையாளர் ஏ.எல்.எம். அஸ்மி தலைமையில் இன்று நடைபெற்ற சபைக் கூட்டத்தின் போது நடைபெற்றது. தவிசாளர் பதவிக்காக நடைபெற்ற பகிரங்க வாக்கெடுப்பில் முரளிதரன் 19 வாக்குகளும், அவரது எதிர்வினையாளரான தேசிய மக்கள் சக்தியின் விஜயநிர்மலா சாந்தராஜா 12 வாக்குகளும் பெற்றனர்.
உபதவிசாளர் பதவிக்காக, தமிழரசுக் கட்சியின் சின்னத்துரை சர்வானந்தன் 22 வாக்குகளுடன் வெற்றிபெற்றார். அவரின் எதிரணியான குணரெத்தினம் யுனைத்தாவுக்கு 9 வாக்குகள் அளிக்கப்பட்டன.
32 உறுப்பினர்களுடன் அமைந்துள்ள சபையில், 18 வட்டாரங்களைச் சேர்ந்தவர்கள் மற்றும் பட்டியல் ஆசனங்களின் மூலம் உறுப்பினர்கள் தேர்ந்தெடுக்கப்பட்டுள்ளனர். இவற்றில் தமிழரசுக்கட்சியைச் சேர்ந்த ஒருவர் இக்கூட்டத்தில் கலந்துகொள்ளவில்லை.
பொதுத் தேர்தலில் பெற்ற ஆசனங்கள் வருமாறு:
இலங்கை தமிழரசுக் கட்சி – 13
தேசிய மக்கள் சக்தி – 5
தமிழ் மக்கள் விடுதலைப்புலிகள் – 4
சிறிலங்கா முஸ்லிம் காங்கிரஸ் – 2
ஐக்கிய தேசியக்கட்சி – 2
சுயேச்சை மற்றும் கூட்டணி குழுக்கள் – 5
